ამერიკელმა პოპმომღერალმა ტეილორ სვიფტმა ინგლისელ სტუდენტს 23 000 ფუნტი სტერლინგი ჩაურიცხა.
ვიტორია მარიო პორტუგალიიდან ლონდონში ოთხი წლის წინ გადასახლდა. მიმდინარე წელს მას ფინანსური პრობლემები შეექმნა, რის გამოც საქველმოქმედო საიტზე განცხადება გამოაქვეყნა. სტუდენტს მათემატიკის ფაკულტეტზე სწავლის გასაგრძელებლად 40 000 ფუნტი სტერლინგი სჭირდებოდა.
საიტის მომხმარებლების შემოწირულობამ 17 000 ფუნტი სტერლინგი შეადგინა, დარჩენილი თანხა კი ტეილორ სვიფტმა ჩარიცხა.