შინაგან საქმეთა სამინისტროს ცნობით, პოლიციამ ქუთაისში მომხდარი მკვლელობის საქმე გახსნა და 1975 წელს დაბადებული ქალი, ბ.კ. დააკავა.
ეჭვმიტანილს ბრალად ედება 18 ივლისს მეგობარი ქალის მოკვლა ქუთაისში. შსს-ს თანახმად, ბრალდებულმა ქუთაისში, ზვიად გამსახურდიას ქუჩაზე 31 წლის მეგობართან, ე.ჩ.-სთან სტუმრობის დროს შელაპარაკების შემდეგ მასპინძელს ცივი იარაღით რამდენიმე ჭრილობა მიაყენა, შემდეგ კი მიიმალა.
ჭრილობების შედეგად ე.ჩ. გარდაიცვალა.
შსს-მ მკვლელობის ნივთმტკიცება, დანა ამოიღო. უწყების ცნობით, დაკავებული დანაშაულს აღიარებს. გამოძიება სისხლის სამართლის კოდექსის 108-ე, განზრახ მკვლელობის მუხლით მიმდინარეობს და 7-დან 15 წლამდე თავისუფლების აღკვეთას ითვალისწინებს.
