აღმოსავლეთ უკრაინაში, ლუგანსკის რეგიონში, სევეროდონეცკთან, ტყეში გაჩენილი ხანძრის შედეგად ხუთი ადამიანი დაიღუპა, 22 ადამიანი საავადმყოფოშია გადაყვანილი.
ამის შესახებ უკრაინის პრეზიდენტმა ვოლოდიმირ ზელენსკიმ 8 ივლისს განაცხადა.
"ამჟამინდელი ინფორმაციით, 5 ადამიანია დაღუპული. თუმცა, ეს არასრული ინფორმაციაა. მჯერა, დღის ბოლომდე ინფორმაციის 100% გვეცოდინება". – თქვა პრეზიდენტმა.
ვოლოდიმირ ზელენსკიმ აღნიშნა, რომ ხანძრის შედეგად განადგურებულია 24 შენობა და დაზიანებულია 60.
უკრაინის მთავრობა დაშავებულებისთვის კომპენსაციის გადაცემას განიხილავს.
ცეცხლი 6 ივლისს ნოვოაიდარსკის რაიონში, ტყეში, სოფელ კაპიტანოვესა და მუტრატოვეს შორის, ვედემეჟნეს ტბასთან გაჩნდა და მოგვიანებით საცხოვრებელ სახლებში გავრცელდა.
7 ივლის საგანგებო სიტუაციების სამინისტროს მიერ გავრცელებული განცხადებით, ხანძრის ტერიტორიის 85 ჰექტარია ლოკალიზებული.