ოსკარის მსგავსად, ბრიტანეთის კინოაკადემიამ დაჯილდოების ცერემონიალის თარიღი ორი თვით გადასწია.
2021 წლის 14 თებერვლის ნაცვლად BAFTA-ს დაჯილდოება 11 აპრილს გაიმართება.
ეს გადაწყვეტილება ახალი კორონავირუსის პანდემიითაა გამოწვეული. ეპიდემიის პირობებში მრავალი ბრიტანული ნამუშევრის პრემიერა გაურკვეველი ვადით გადაიდო.
კინოდაჯილდოების მსგავსად, BAFTA-ს სატელევიზიო პრემიის დაჯილდოების დრომაც გადაიწია. მაისში დაგეგმილი ღონისძიება მიმდინარე წლის 31 ივლისს გაიმართება.
