მე-8 და მე-9 მოწვევის უკრაინელი დეპუტატი, ვალერი დავიდენკო კიევში, საკუთარ ოფისში გარდაცვლილი იპოვეს.
"ცეცხლსასროლი იარაღით თავში სასიკვდილო ჭრილობა ჰქონდა მიყენებული", - წერს უკრაინის შინაგან საქმეთა მინისტრის მოადგილე, ანტონ გერაშენკო Facebook-ზე.
გერაშენკოს ინფორმაციით, ადგილზე სამართალდამცავები მუშაობენ - ისინი კამერების ჩანაწერებს იღებენ.
"პოლიცია და პროკურატურა ტრაგედიის ყველა შესაძლო ვერსიას განიხილავს", - წერს გერაშენკო.
მედიის ინფორმაციით, სხეულის გვერდით სამართალდამცავებმა იარაღი იპოვეს. დავიდენკო უკრაინის უმაღლესი რადას წევრი 2014 წლიდან იყო.
