ბოლნისის სოფელ მუშევანში COVID-19-ით ინფიცირების 1 ახალი შემთხვევა დადასტურდა. ჯამში, სოფელში კორონავირუსი 56 ადამიანს აქვს დადასტურებული.
როგორც მერიაში ტაბულას უთხრეს, ბოლნისში სულ ინფიცირების 162 შემთხვევაა გამოვლენილი. მათგან 75 პაციენტი გამოჯანმრთელდა, 3 გარდაიცვალა.
ბოლნისის მუნიციპალიტეტის ორი სოფელი - მუშევანი და გეტა საკარანტინო ზონად რჩება.
საქართველოში, ბოლო მონაცემებით, COVID-19-ის 728 შემთხვევაა დადასტურებული, 509 ადამიანი ვირუსისგან განიკურნა, 12 პაციენტი კი გარდაიცვალა.
![კობახიძე: რაღაც მომენტში [EU-ში] ვიღაცამ უნდა დაინახოს, რომ ასე გაგრძელება აღარ შეიძლება](https://api.tabula.ge/files/styles/news_thumb_md/public/photos/2025/03/image_2025-03-04_174301289.png.jpg?itok=rDYMsiDc)
