ახლო წარსულში ამერიკელმა მომღერალმა ლანა დელ რეიმ სოციალურ ქსელში დიდი პოსტი გამოაქვეყნა, რომელშიც დღევანდელ მუსიკალურ ტენდენციებზე ისაუბრა და ასევე ძველ ბრალდებებს გამოეხმაურა, მუსიკოსი წარსულში არაერთხელ ანტი-ფემინისტური იმიჯის პოპულარიზაციაში დაადანაშაულეს.
პოსტში დელ რეიმ აღნიშნა, რომ არაერთი ქალი მომღერალი მათ შორის ნიკი მინაჟი, ბიონსე, ქარდი ბი სცენაზე ნახევრად შიშვლები გამოდიან და მიუხედავად ამისა მათ მიმართ ანტი-ფემინისტური ბრალდება არავის წაუყენებია.
მომღერლის პოსტი მსმენელების ნაწილმა რასისტულად მიიჩნია, იქიდან გამომდინარე რომ შემსრულებლების ჩამონათვალში მხოლოდ შავკანიანი მუსიკოსები იყვნენ ნახსენები.
ახალ ბრალდებას დელ რეი მალევე გამოეხმაურა:
"არასდროს, არასდროს, არასდროს მიწოდოთ რასისტი. ნუ ცდილობთ ის დაამახინჯოთ რისი თქმაც მსურდა, თუ რასისტი გგონივართ თქვენი პრობლემაა. საერთოდ სხვა თემაზე ვსაუბრობდი."