შსს-ს ინფორმაციით, სამართალდამცავებმა ოჯახში ძალადობისთვის ერთი ადამიანი დააკავეს. 1977 წელს დაბადებული მ.ა. ადიგენის რაიონში აიყვანეს.
მას ბრალი ედება არასრულწლოვნის თანდასწრებით, ოჯახის ორი წევრის მიმართ ჩადენილ ძალადობასა და მამის მიმართ მუქარაში.
გამოძიების ინფორმაციით, არაფხიზელ მდგომარეობაში მყოფმა ბრალდებულმა ფიზიკური შეურაცხყოფა მიაყენა 2005 წელს დაბადებულ შვილს. ასევე, მან, თავისი არასრულწლოვანი შვილის თანდასწრებით, ფიზიკური შეურაცხყოფა მიაყენა 1946 წელს დაბადებულ მამას და მას მოკვლით დაემუქრა.
გამოძიება სისხლის სამართლის კოდექსის 126-ე პრიმა მუხლის მე-2 ნაწილის "ა", "ბ" და "გ" ქვეპუნქტებით, ასევე, 11 პრიმა-151-ე მუხლის მე-2 ნაწილის "დ" ქვეპუნქტით მიმდინარეობს, რაც არასრულწლოვნის თანდასწრებით ორი ან მეტი პირის, მათ შორის, არასრულწლოვნის მიმართ ოჯახში ძალადობასა და ოჯახის წევრის მიმართ მუქარას გულისხმობს.
დანაშაული 3 წლამდე ვადით თავისუფლების აღკვეთას ითვალისწინებს.
