სართიჭალაში მოტოციკლისა და მსუბუქი ავტომანქანის შეჯახებას ქალისა და მამაკაცის სიცოცხლე ემსხვერპლა. ისინი მოტოციკლით გადაადგილდებოდნენ. შემთხვევის შედეგად ახალგაზრდები ადგილზე დაიღუპნენ.
როგორც ტაბულას შსს-ში უთხრეს, გამოძიება სისხლის სამართლის კოდექსის 276-ე მუხლის მერვე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.