აშშ-ის პრეზიდენტის, დოლანდ ტრამპის თქმით, სადეზინფექციო ხსნარების არამიზნობრივად მოხმარების ზრდაზე პასუხისმგებლობას არ იღებს - ამის შესახებ მას ჟურნალისტებმა კითხვები პრეს-კონფერენციის დროს დაუსვეს.
პრეზიდენტს ჰკითხეს, თუ იცის, რატომ გაიზარდა სადეზინფექციო ხსნარების არამიზნობრივი მოხმარების ფაქტები, რაზეც მან უპასუხა: "წარმოდგენა არ მაქვს, რატომ".
ამის შემდეგ, მას ჰკითხეს, თუ იღებს პასუხისმგებლობას სადეზინფექციო ხსნარების მოხმარების ფაქტების ზრდაზე, რაზეც ტრამპმა უპასუხა, რომ - არა.
დონალდ ტრამპმა, გასულ კვირას, აშშ-ის მთავრობის კვლევის წარდგენისას თქვა, რომ სურს გადაამოწმოს, იკურნება თუ არა სადეზინფექციო და ანტისეპტიკური საშუალებების ორგანიზმში შეყვანით/დალევით ახალი კორონავირუსი.
ტრამპის იდეას ექიმები მაშინვე გამოეხმაურნენ და აღნიშნეს, რომ ამას შესაძლოა ფატალური შედეგები მოჰყვეს.
პულმონოლოგმა, დოქტორმა ვინ გუფთამ NBC ნიუსს უთხრა: "ნებისმიერი ტიპის გამწმენდი საშუალების ორგანიზმში შეყვანის ნებისმიერი განცხადება უპასუხისმგებლო და საშიშია".
ჩარლსტონელმა ექიმმა, კაშიფ მაჰმუდმა ტვიტერზე დაწერა:
"როგორც ფიზიკოსი, ვერ გავუწევ რეკომენდაციას სადეზინფექციო ხსნარის ინექციას ან ულტრაიისფერი დასხივებას კორონავირუსის დამარცხების მიზნით. არ მიიღოთ ტრამპის სამედიცინო რჩევა".
აშშ-ის კვების და წამლის ადმინისტრაციამ ასევე გააფრთხილა მოქალაქეები, არ მიიღონ/არ დალიონ სადეზინფექციო საშუალებები.