შინაგან საქმეთა სამინისტროს ცნობით, ბოლო 24 საათის განმავლობაში სამართალდამცველებმა საგანგებო მდგომარეობის რეჟიმისა და ე.წ კომენდანტის საათის შეზღუდვების დარღვევისთვის 182 პირი დააჯარიმეს.
20 აპრილის 21:00 საათიდან 21 აპრილის 06:00 საათამდე სამართალდამცველებმა მთელი ქვეყნის მასშტაბით 78 მოქალაქე დააჯარიმეს. გარდა ამისა, შსს-ის ცნობით, მათ საჯარო სივრცეში 3-ზე მეტი პირის შეკრებისა და 2-მეტრიანი სოციალური დისტანციის დაუცველობის გამო, 66 მოქალაქე დააჯარიმეს, ხოლო მგზავრთა გადაყვანისა და ავტომობილით გადაადგილების წესის დარღვევისთვის - 38.
ფიზიკური პირის შემთხვევაში ჯარიმის ოდენობა 3 000 ლარია.
საგანგებო მდგომარეობისა და საკარანტინო წესების დარღვევის გამო გამოწერილმა ჯარიმებმა 21 მარტიდან 8 აპრილის ჩათვლით 8 665 000 ლარი შეადგინა.
