ქალაქ ბათუმში გვიან ღამით იმედაშვილის ქუჩაზე სახლს ცეცხლი გაუჩნდა. სახლში მყოფმა ადამიანებმა გარეთ გასვლა დროულად მოახერხეს და, შესაბამისად, ხანძრის შედეგად არავინ დაშავებულა.
ადგილზე 10 სახანძრო-სამაშველო ბრიგადა მუშაობდა და ცეცხლი ამ დროისთვის უკვე ლიკვიდირებულია, თუმცა საცხოვრებელი სრულად დაიწვა.
შინაგან საქმეთა სამინისტროს ცნობით, ფაქტზე გამოძიება 187-ე მუხლის მეორე ნაწილით დაიწყო. უცნობია ხანძრის გამომწვევი მიზეზი.
