86 წლის ასაკში, ქართველი რეჟისორი, სცენარისტი, მსახიობი და მხატვარი რეზო ესაძე გარდაიცვალა
კარიერის განმავლობაში ესაძემ 11 სურათი გადაიღო. მის ნამუშევრებს შორის არის ფილმები - ნეილონის ნაძვის ხე, წკიპურტები, წამზომი, ოთხი ფურცელი. ასზე მეტ ფილმში აქვს შესრულებული მეორეხარისხოვანი და ეპიზოდური როლები. მოპოვებული აქვს როტერდამის, აველონისა და ბუდაპეშტის საერთაშორისო ფესტივალების ჯილდო.
რეზო ესაძე ღირსების ორდენის კავალერი, შოთა რუსთაველის სახელობის პრემიის ლაურეატი, კემბრიჯისა და ვაშინგტონის საერთაშორისო კატალოგების საპატიო ორდენის მფლობელია, ასევე საქართველოსა და რუსეთის მხატვართა და კინემატოგრაფისტთა კავშირების წევრი იყო.
