ბოლო 24 საათში საფრანგეთში ახალმა კორონავირუსმა 833 ადამიანის სიცოცხლე იმსხვერპლა. საფრანგეთში ვირუსის გავრცელების შემდეგ ეს გარდაცვალების ყველაზე მაღალი დღიური მაჩვენებელია.
ქვეყანაში COVID 19-ით გარდაცვლილთა რიცხვი ჯამში 8 911-მდე გაიზარდა. დადასტურდა ვირუსული ინფექციით ინფიცირების 98 010 შემთხვევა. 17 250 პირი გამოჯანმრთელდა, კრიტიკულ მდგომარეობაში 7 072 ადამიანი იმყოფება.
"ჯერჯერობით არ მიგვიღწევია ეპიდემიის დასასრულთან", - ამბობს საფრანგეთის ჯანდაცვის მინისტრი.
7 აპრილის მონაცემებით, მსოფლიოში ახალი კორონავირუსით ინფიცირებულთა რიცხვი 1 347 587-ია, აქედან გამოჯანმღელდა 286 453, ხოლო 74 782 ადამიანი გარდაიცვალა.