დაავადებათა ეროვნული ცენტრის დირექტორის მოადგილემ პაატა იმნაძემ, ბათუმში, კორონავირუსით დაინფიცირებულ ექიმზე საუბრისას თქვა, რომ ეს ექსტრაორდინალური შემთხვევა იყო.
„წვეთოვანი იზოლაცია, კონტაქტური იზოლაცია - ეს არის სტანდარტული დაცვის წესები. რაც შეეხება ჩვენი კოლეგის დაინფიცირებას, ეს იყო ექსტრაორდინალური შემთხვევა, როდესაც პრაქტიკულად ექიმს არ შეეძლო აგრესიული აპციენტისგან თავის დაცვა," - თქვა იმნაძემ.
30 მარტს პრემიერმინისტრმა, გიორგი გახარიამ თქვა, რომ სამსახურეობრივი მოვალეობის შესრულებისას სამედიცინო სექტორიდან კორონავირუსით 1 პირი დაინფიცირდა.
1-ელ აპრილს იმნაძემ აღნიშნა, რომ ექიმი ემსახურებოდა ფსიქიურად დაავადებულ ადამიანს, რომელთან კონტაქტიც იყო გაძნელებული და ვერ შეძლო ბოლომდე დაცვა უშუალო ფიზიკური კონტაქტისგან".
3 აპრილის 10:00 საათის მონაცემებით, საქართველოში ახალი კორონავირუსის 148 დადასტურებული შემთხვევაა, გამოჯანმრთელდა 27 ადამიანი. კარანტინის რეჟიმშია 5392 პირი, სტაციონარში მეთვალყურეობის ქვეშ - 319.
