თურქეთმა ირანთან დროებით საზღვარი ჩაკეტა. ამის მიზეზი ირანში გამოვლენილი კორონავირუსით ინფიცირებისა და გარდაცვალების შემთხვევებია.
"გადავწყვიტეთ დროებით შევზღუდოთ მიმოსვლა და ჩავკეტოთ საზღვარი ირანთან, რადგან ვირუსით ინფიცირების შემთხვევები მზარდია ჩვენს მეზობელ ქვეყანაში", - ამბობს თურქეთის ჯანდაცვის მინისტრი.
ირანის ისლამურ რესპუბლიკაში ახალი კორონავირუსით დაინფიცირების 43 შემთხვევაა გამოვლენილი. ვირუსის შედეგად გარდაიცვალა 8 ადამიანი. ეს კორონავირუსით გარდაცვალების ყველაზე მაღალი მაჩვენებელია, რაც ჩინეთის საზღვრებს გარეთ დაფიქსირებულა.
