ქართველმა მორაგბეებმა ევროპის ჩემპიონატის მესამე შეხვედრაში ბელგიის ნაკრები ანგარიშით 78:6 დაამარცხეს.
შეხვედრა ქუთაისში ჩატარდა. ბორჯღალოსნებმა პირველი ნახევარი ანგარიშით 33-6, მეორე ნახევარი კი 45-0-ით დაასრულეს.
2020 წლის ევროპის ჩემპიონატზე ეს ქართველი მორაგბეების მესამე შეხვედრა და მესამე გამარჯვებაა. ისინი 14 ქულით ლიდერობენ.
ბორჯღალოსნები პორტუგალიის ნაკრებს 7 მარტს დაუპირისპირდებიან.
