20 თებერვალს კრემლში განაცხადეს, რომ ამერიკის შეერთებული შტატები რუს დიპლომატებს დროულად ვიზების გაუცემლობის გამო პრობლემებს იწვევდა და გაეროში მათ მუშაობა აფერხებდა.
"ეს გაეროს მუშაობას ხელს უშლის და ეს დიდი პრობლემაა," - აღნიშნა კრემლის სპიკერმა დმიტრი პესკოვმა ჟურნალისტებთან საუბრისას.
გასული წლლის დეკემბერში რუსეთმა აშშ მათი დიპლომატებისა და სახელმწიფოს წარმომადგენლებისათვის ვიზების მიცემის განზრახ გაჭიანურებაში დაადანაშაულა.
ვაშინგტონში რუსეთის საელჩოში თქვეს, რომ მოსკოვში აშშ-ის საელჩომ ვიზების არ მისცა რუსეთის სახაზინო დეპარტამენტის დელეგაციის წარმომადგენლებს, რომლებიც 3 დეკემბერს ვაშინგტონში გამართულ კონფერენციას უნდა დასწრებოდნენ.
მანამდე მოსკოვში აშშ-ის საელჩოში ამბობდნენ, რომ მოსკოვში მათ საკონსულოში საკმარისი პერსონალი არ ჰყავთ მას შემდეგ, რაც 2017 წელს რუსეთში აშშ-ის წარმომადგენლობა შემცირდა.
რუსეთის საელჩოში მიაჩნიათ, რომ რუსეთის მოქალაქეებზე ვიზების არ გაცემა პერსონალის ნაკლებობის გამო არ ხდება.
მიმდინარე წლის სექტემბერში რუსეთმა აშშ-ის საელჩოს ხელმძღვანელობა მას შემდეგ იხმო, რაც გაეროს სამიტზე მიმავალი რუსული დელეგაციის წევრებს ვიზები არ მისცეს.
აშშ-მ სახელმწიფო დუმისა და ფედერაციის საბჭოს საერთაშორისო ურთიერთობათა კომიტეტების ხელმძღვანელებს და რუსეთის საგარეო საქმეთა სამინისტროს 8 თანამშრომელზე ვიზები არ დაუშვა.