ქანთარია: სახალხო დაუმორჩილებლობას სჭირდება გამწარებული ხალხი, ასეთი მდგომარეობა არ არის

ქართული ოცნების დეპუტატი ნუკრი ქანთარია პალიტრანიუსის ეთერში ოპოზიციის გეგმებზე. ლეიბორისტულ პარტიაში 10 თებერვალს გამართული შეხვედრის შემდეგ შალვა ნათელაშვილმა თქვა, რომ გიგი უგულავას დაპატიმრების გამო, ოპოზიცია მთავრობასთან მოლაპარაკებებს წყვეტს და სახალხო დაუმორჩილებლობისათვის ემზადება. 11 თებერვლის შეხვედრაზე კი გაცხადდა, რომ 4 აპრილს მასშტაბური საპროტესტო აქცია გაიმართება, იქამდე, ოპოზიცია რეგიონებში მოსახლეობას შეხვდება, სახელმწიფო შენობების პიკეტებს მოაწყობს და მოლაპარაკებებს განაგრძობს, რომელიც მათ შორის, არჩევნებისთვის ერთიან მაჟორიტარ კანდიდატებზე შეთანხმებას ითვალისწინებს.