საგანგებო სიტუაციების მართვის სამსახურის ინფორმაციით, ჯიქიას ქუჩაზე ხანძარი ლიკვიდირებულია. ტერიტორიაზე 10 სახანძრო-სამაშველო ჯგუფი მუშაობდა.
"არსებობდა ცეცხლის დიდ ფართობზე გავრცელების საფრთხე. ხანძრის ქრობას, ასევე, ართულებდა ძლიერი ქარი, თუმცა მეხანძრე-მაშველებმა მოახერხეს ხანძრის დროული ჩაქრობა",-წერია განცხადებაში.
საგანგებო სიტუაციების მართვის სამსახურის ცნობით, ხანძრის შედეგად არავინ დაშავებულა. მათივე ინფორმაციით, ტერიტორიაზე მთელი ღამის განმავლობაში მონიტორინგის მიზნით 1 სახანძრო-სამაშველო ჯგუფი დარჩება.
