გიგა ბოკერია

ბოკერია: წულუკიანი, არქაული ქართულით მოსაუბრე ივანიშვილის კლოუნი, გამოირჩევა მისი ლექსიკით

ჩემი და წულუკიანის ლექსიკონი ერთმანეთს არ ემთხვევა, ალბათ შემჩნეული გექნებათ საჯაროდ როგორ ვსაუბრობთ ჩვენ. ეს არქაული ქართულით მოსაუბრე ივანიშვილის ერთერთი კლოუნი, ზოგადად გამორჩეულია ქართულ პოლიტიკაში თავისი ლექსიკონით, მე ასე არ ვსაუბრობ. ჩემი და არა მარტო ჩემი, გზავნილი ერთი და იგივეა, რომ ივანიშვილმა და მისმა გუნდა ქვეყანა დააყენა ძალიან სახიფათო გზაზე, როდესაც "გავრილოვის ღამის" შემდგომ დადებული პირობა დაარღვია, გადააგდო საზოგადოება, უთხრა, რომ ფეხებზე მკიდიხართო და შემდგომ მიმართა ძალადობას. ჩვენი ამოცანაა, რომ გონს მოეგონ და ნორმალურ, ან შედარებით ნორმალურ ვითარებაში შეეგუონ მარცხს არჩევნებში - ესაა ჩვენი გზავნილი.

ევროპული საქართველოს ლიდერი გიგა ბოკერია ტვ პორველის ეთერში იუსტიციის მინისტრის, თეა წულუკიანის განცხადებას ეხმაურება, რომლის მიხედვითაც, ბოკერია დახურულ შეხვედრაზე ხელისუფლების წარმომადგენლებს "თითის ქნევით" ეუბნებოდა, რომ არჩევნების გერმანული მოდელის არმიღების შემთხვევაში ქვეყანაში "ქვა ქვაზე არ დარჩებოდა".

კომენტარები