ლევან ხაბეიშვილის ცემის ფაქტზე შინაგან საქმეთა სამინისტრომ გაძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს. ამის შესახებ ტაბულას ინფორმაცია შსს-ში მიაწოდეს.
თბილისის საკრებულოში კომისიების გაერთიანებულ სხდომაზე ერთიანი ნაციონალური მოძრაობის დეპუტატს, ლევან ხაბეიშვილს, სცემეს.
ენმ-ის საკრებულოს დეპუტატის, ლილე ლიპარტელიანის, თქმით, ჩხუბი ქართული ოცნების დეპუტატმა, თარაშ შურღაიამ, დაიწყო. ლიპარტელიანი ამბობს, რომ ამის მიზეზი ლევან ხაბეიშვილის მიერ კავკასიის ეთერში გაკეთებული განცხადებები გახდა, როდესაც ენმ-ის დეპუტატი საკრებულოს დასუფთავების სამსახურის თანამშრომლების დაბალ ანაზღაურებაზე საუბრობდა.
