"მე აღარ მსურს, ავიტანო შენი თავხედური ტყუილები და დაუსრულებელი ღალატი. ვოვა, წადი!" - ალექსანდრა კალისტრატოვა, მოსკოვის საკრებულოში დეპუტატობის კანდიდატის, ივან ჟდანოვის, შტაბის კოორდინატორიMeduza
ალექსანდრ კუზნეცოვი, აქტივისტიMeduza
"პუტინის 20 წელი: ტყუილი, სიღარიბე, ომი, რეპრესიები, სანქციები" - ჟურნალისტი ილია აზარიMeduza
"რუსეთის კონსტიტუცია, I თავი, მე-15 მუხლი" - მიხაილ შნეიდერი, სახალხო თავისუფლების პარტიის წარმომადგენელიMeduza
"რუსეთის კონსტიტუციის მე-3 მუხლის მე-4 პუქნტი: არავის შეუძლია, მიისაკუთროს ძალაუფლება რუსეთის ფედერაციაში". რუსლან მამოგედოვი, მოძრაობის "დაღესტანის დამკვირვებლები" კოორდინატორი Meduza18 იანვარს მოსკოვში რუსეთის პრეზიდენტის ადმინისტრაციის შენობასთან ერთკაციანი აქციები ჩატარდა დაგეგმილი საკონსტიტუციო ცვლილებების წინააღმდეგ.
ადმინისტრაციის წინ, დაახლოებით, 30 ადამიანი შეიკრიბა, მათ შორის ჟურნალისტები.
რუსული მედიის Meduza ინფორმაციით, აქციამ მშვიდობიანად ჩაიარა, თუმცა იყო გამონაკლისი, როდესაც ნაციონალისტური პოლიტიკური ჯგუფის SERB წარმომადგენელი ერთერთ დემონსტრანტს დაესხა თავს და პლაკატი, წარწერით "პუტინი უზურპატორია" დაუხია. ამის შემდეგ ქალი ასევე შეეცადა, რომ ჟურნალისტ ილია აზარისთვის დაეხია პლაკატი, თუმცა პოლიციამ ქალი ადგილს გაარიდა.
15 იანვარს ვლადიმერ პუტინი საკონსტიტუციო ცვლილებების შესახებ რეფერენდუმის ჩატარების ინიციატივით გამოვიდა. რუსეთის პრეზიდენტს სურს, რუსეთი სსაპრეზიდენტოდან საპარლამენტო რესპუბლიკად იქცეს, სადაც ძირითადი ძალაუფლება პრემიერმინისტრს ექნება და ამგვარად მეოთხე საპრეზიდენტო ვადის ამოწურვის შემდეგ კვლავ შეინარჩუნოს მმართველობა.
პუტინის მიერ საკონსტიტუციო ცვლილებების დაანონსების შემდეგ, რუსეთის მთავრობა, სრული შემადგენლობით და დიმიტრი მედვედევის ხელმძღვანელობით, გადადგა. პუტინმა პრემიერმინისტრობის კანდიდატად მიხაილ მიშუსტინი წარადგინა, რომელიც დუმამ უკვე დაამტკიცა.
