NDI-ის კვლევა

NDI: ყველაზე ნაკლებად ზურაბიშვილის, თალაკვაძის, გახარიას საქმიანობა მოსწონთ, მეტად - კალაძის

ეროვნულ დემოკრატიული ინსტიტუტის (NDI) კვლევის მიხედვით, საქართველოს პრეზიდენტის საქმიანობას მოსახლების უმრავლესობა, 54% უარყოფითად აფასებს. კერძოდ, 34% სალომე ზურაბიშვილის საქმიანობას აფასებს ცუდად, ხოლო 20% ძალიან ცუდად.

36%-ს არ მოსწონს საქართველოს პარლამენტის თავმჯდომარის საქმიანობა. კერძოდ, არჩილ თალაკვაძეს 25% ცუდად აფასებს, 11% კი ძალიან ცუდად.

უარყოფითი შეფასება დადებითს ბევრად აღემატება საქართველოს პრემიერმინისტრის შემთხვევაშიც და ჯამში 34%-ს შეადგენს. კერძოდ, გიორგი გახარიას საქმიანობას ძალიან ცუდად აფასებს 10%, ხოლო ცუდად 24%.

რაც შეეხება თბილისის მერს, მის საქმიანობას მოსახლეობის 24% აფასებს უარყოფითად - 16% ცუდად, 6% ძალიან ცუდად.

კახა კალაძის დადებითი შეფასება სხვა თანამდებობის პირების შეფასებას აღემატება და ჯამში 44%-ს შეადგენს. 21% აფასებს დადებითად გიორგი გახარიას საქმიანობას, ხოლო 13% არჩილ თალაკვაძის. ქვეყნის პრეზიდენტის, სალომე ზურაბიშვილის საქმიანობას დადებითად მხოლოდ მოსახლეობის 9% მიიჩნევს.

თუმცა, აღსანიშნავია, რომ როგორც კალაძის, ისე სხვების საქმიანობის უარყოფითი შეფასება გაზრდილია. 2019 წლის ივლისის შემდეგ თბილისის მერის და პრემიერმიერმინისტრის უარყოფითი შეფასებებები 7-7%-ით გაიზარდა, პარლამენტის თავმჯდომარის კი 12%-ით. პრეზიდენტის საქმიანობის უარყოფით შეფასებას 14%-იანი ზრდა აქვს.

NDI-ის​ დაკვეთით საველე სამუშაოები ჩატარდა 19 ნოემბრიდან 13 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით) ჩატარდა. კვლევა ეყრდნობა 2,181 პირისპირ ინტერვიუს წარმომადგელობითი შერჩევის საფუძველზე. საშუალო ცდომილების ზღვარი 1.9%.

NDI-ის კვლევები დიდი ბრიტანეთის მთავრობის UK aid-ის მხარდაჭერით ფინანსდება. საველე სამუშაოები CRRC–საქართველომ ჩაატარა.

კომენტარები