ბერლინის 70-ე კინოფესტივალზე ამომავალი ვარსკვლავის სტატუსით ლევან გელბახიანი წარდგება.
დღეს, European Film Promotion-მა საუკეთესო ათი მსახიობის სია გამოაქვეყნა, რომელშიც ქართველი მსახიობი მოხვდა. გადაწყვეტილება კინოინდუსტრიის საერთაშორისო ექსპერტებისგან შემდგარმა ჟიურიმ მიიღო, ხოლო გელბახიანი საქართველოს ეროვნულმა კინოცენტრმა წარადგინა.
შეგახსენებთ, რომ გელბახიანისთვის ლევან აკინის ფილმი And Then We Danced სადებიუტო იყო. როლისთვის მსახიობი ბევრ კინოფესტივალზე იყო წარდგენილი და რამდენიმე ჯილდოც მოიპოვა.
