ვაჟა გაფრინდაშვილი

გაფრინდაშვილი: რუსებს ვუთხარი, პრეტენზია იმაზე მქონდა, რომ იქ იყვნენ

მთავარი

ვაჟა გაფრინდაშილის თქმით, მანამ, სანამ სამხრეთ ოსეთის ე.წ. სასაზღვრო დეპარტამენტის წარმომადგენლებს გადასცემდნენ, ჰკითხეს, პრეტენზია ხომ არ ჰქონდა. "ვუთხარი, რომ პრეტენზია, რა თქმა უნდა, მაქვს, რომ ისინი იყვნენ იქ",-გაფრინდაშვილის თქმით, ასე უპასუხა მან რუს მესაზღვრეებს.

"ვუთხარი, რომ მინდა, რაც შეიძლება დროზე დაბრუნდნენ სახლში",-თქვა ვაჟა გაფრინდაშვილმა. 

ვაჟა გაფრინდაშვილი 28 დეკემბერს გათავისუფლდა. ის ოკუპანტებს 49 დღის განმავლობაში ჰყავდათ გატაცებული. 

საოკუპაციო ძალების მიერ გატაცებულ ქართველ ექიმს, ვაჟა გაფრინდაშვილს ოკუპირებული ცხინვალის ე.წ სასამართლომ 1 წლით და 9 თვით პატიმრობა 20 დეკემბერს მიუსაჯა. გაფრინდაშვილი ე.წ საზღვრის უკანონო გადაკვეთის ბრალდებით 9 ნოემბერს დააკავეს და რუსეთის სისხლის სამართლის კოდექსის 322-ე მუხლით "გაასამართლეს".

ოკუპირებული ცხინვალის დე ფაქტო უშიშროების კომიტეტის განცხადებით, გაფრინდაშვილმა საოკუპაციო ხაზი მიზანმიმართულად გადაკვეთა. საოკუპაციო რეჟიმი მისგან “დანაშაულის აღიარებას" ითხოვდა, თუმცა, გაფრინდაშვილი აცხადებდა, რომ "იმყოფება საქართველოში, ქართულ მიწაზე".

ამასთან, ე.წ. სახელმწიფო უშიშროების კომიტეტის ინფორმაციით, ვაჟა გაფრინდაშვილმა აღნიშნა, რომ ის საქართველოს NATO-ში გაწევრიანებას ემხრობა.

კომენტარები