კვენტინ ტარანტინოს თქმით, მან შეიძლება კიდევ ერთი ფილმი გადაიღოს და ეს Kill Bill-ის მესამე ნაწილი იყოს.
56 წლის რეჟისორის თქმით, ის ამის შესახებ Kill Bill-ში მთავარი როლის შემსრულებელს უმა თურმანს ესაუბრა.
“სიმართლე რომ გითხრათ, მე და უმა თურმანი ბოლო ხანები ამაზე ვსაუბრობდით. არ ვარ დარწმუნებული რომ ამის გაკეთებას ვაპირებ, მაგრამ ამ თემაზე მიფიქრია”, - თქვა კვენტინ ტარანტინომ.
მისივე თქმით, ის თუ რამე ფილმის გადაღებას გადაწყვეტს, ყველაზე დიდი შანსი Kill Bill-ს აქვს.
”მე და უმა ამის შესახებ გასულ კვირას ვსაუბრობდით, თუ რომელიმე ჩემი ფილმი იქნება გადასაღები, დიდი შანსია რომ ეს მესამე Kill Bill იყოს”, - თქვა კვენტინ ტარანტინომ.
კვენტინ ტარანტინო თავისი მეცხრე ფილმის Once Upon A Time In Hollywood-ის გადაღებას ცოტა ხნის წინ მორჩა. ფილმი კინოთეატრებში 26 ივლისიდან გამოვა.