"პრინციპში, ზოგადად, ჩვენ მივესალმებით პუტინის განცხადებას" - ამის შესახებ პატრიოტთა ალიანსის წევრმა ადა მარშანიამ დღეს პარლამენტშიგამართულ ბრიფინზე აღნიშნა.
მისი შეფასებით, აფხაზეთისა და ე.წ. სამხრეთ ოსეთის ისტორიის ვლადიმერ პუტინისეულ ვერსია ქართულმა საზოგადოებამ მძიმედ მიიღო.
"პრინციპში, ზოგადად, ჩვენ მივესალმებით პუტინის განცხადებას, მაგრამ ქართულმა საზოგადოებამ და ქართველმა ერმა ძალიან მძიმედ მოისმინა და მიიღო, მიიღო რას ჰქვია, აღსაქმელად მიიღო ეს მისი ასე ვთქვათ, პასაჟი გენოციდზე, ხომ? ცხადია, ჩვენ დავაფიქსირებთ ამას და ვიტყვით, რომ ასე არ მიგვაჩნია ჩვენ საქართველოში და იცით თქვენ, რომ მათ ასე მართლა მიაჩნიათ ოსებს და აფხაზებს, რომ 92-93 წელს პატარა მცირერიცხოვან აფხაზ ხალხს ქართველებმა გაუკეთეს გარკვეული გენოციდი. თქვენ ეს არ გაგიგონიათ არასდროს? უბრალოდ, ჩვენთან არ არის მიღებული ამაზე საუბარი. გენოციდი იყო ქართველი მოსახლეობის აფხაზეთში, მართლა ასე იყო. დედაჩემი მხარე, გუგუშვილები, სულყველა დამიხოცეს. 13 ადამიანი, სხვათა შორის, მე არასდროს არ მითქვამს ეს საჯაროდ"- ამბობს ადა მარშანიამ.
რა თქვა პუტინმა და როგორ იყო სინამდვილეში წაიკითხეთ აქ.
