20 მაისს უკრაინის მეექვსე პრეზიდენტის ინაუგურაცია შედგა. სიტყვით გამოსვლისას ზელენსკიმ პარლამენტი დაშალა და ვადამდელი არჩევნები დანიშნა.
უკრაინის ახლად არჩეული პრეზიდენტის თქმით, ის უკრაინის რადას დაშლისთვის ხელს მოასწერს განკარგულებას და ვადამდელ საპარლამენტო არჩევნებს დანიშნავს - "მე ვშლი უმაღლესი რადას მერვე მოწვევას. დიდება უკრაინას!"
ზელენსკიმ პარლამენტარებს ასევე უთხრა, რომ თანამდებობიდან გაეთავისუფლებინათ თავდაცვისა და უშიშროების მინისტრები და გენერალური პროკურორი. ამისთვის ზელენსკიმ მათ ორი თვე მისცა.
უკრაინაში საპრეზიდენტო არჩევნების მეორე ტური 21 აპრილს ჩატარდა. ამომრჩეველთა აქტივობამ 61.37% შეადგინა. 73.22%-ით ვოლოდიმირ ზელენსკი უკრაინის ახალი პრეზიდენტი გახდა.
უკრაინაში პრეზიდენტს ხუთწლიანი ვადით ირჩევენ.
