არგენტინელმა ფეხბურთელმა, ლიონელ მესიმ ბარსელონას რიგებში მე-600 გოლი გაიტანა.
ეს ჩემპიონთა ლიგის 1-ლი მაისის ნახევარფინალურ მატჩზე მოხდა, როცა ბარსელონამ ლივერპული 3:0 დაამარცხა.
მესიმ ბარსელონას რიგებში თავისი პირველი გოლი ზუსტად 14 წლის წინ, 2005 წლის 1-ლ მაისს გაიტანა.
ლეგენდარულმა ფეხბურთელმა 600 გოლი 683 თამაშში გაიტანა.
რაც შეეხება უშუალოდ ჩემპიონთა ლიგაზე გატანილ გოლებს - მათი რიცხვი 112-ია და მხოლოდ კრიშტიანო რონალდოს შედეგს ჩამორჩება, რომელსაც 126 გოლი აქვს გატანილი. კრიშტიანო რონალდოს კლუბის რიგებში ასევე 600 გოლი აქვს გატანილი, მე-600 გოლი მან 28 აპრილს, იუვენტუსის რიგებში, მილანის ინტერის წინააღმდეგ გაიტანა.