ჰარუ ბაშოს მე-13 საშეჯიბრო დღეს, ტოჩინოშინი იოკოძუნა კაკურიუსთან დამარცხდა. მან ლევან გორგაძეს იორიკირის ილეთით მოუგო.
ტოჩინოშინს კაკურიუსთან აქამდე 28 ბრძოლა ჰქონდა ჩატარებული და 25-ჯერ იყო დამარცხებული. დღევანდელი წაგების შემდეგ, გორგაძეს მიმდინარე ტურნირზე უარყოფითი ბალანსი 6:7-ზე გაუხდა. თუ ქართველი დარჩენილი 2 ბრძოლიდან ორივეს არ მოიგებს, ოძეკის ტიტულს დაკარგავს.
ხვალ, ტოჩინოშინის მეტოქე სეკივაკე ტამავაში იქნება.