ჰარუ ბაშოს მეორე საშეჯიბრო დღე წარუმატებელი აღმოჩნდა ქართველი სუმოტირისთვის - ლევან გორგაძისთვის.
ტოჩინოშინი მაეგაშირა მიოგირიუს შეხვდა და ოშიდაშის ილეთით წააგო. ამ მარცხის შემდეგ, ქართველს კონკრეტულ ჰარუ ბაშოზე ბალანსი 1:1-ზე გაუხდა.
ტოჩინოშინის მომდევნო მეტოქე კომუსუბი ჰოკუტოფუჯი იქნება, ვისთანაც მას ბალანსი 2:2-ზე აქვს. თუ ტოჩინოშინი მიმდინარე ბაშოზე დადებით ბალანსს ვერ დააფიქსირებს, ოძეკის წოდებიდან სეკივაკემდე დაქვეითდება.
