სასექსის ჰერცოგინიამ და პრინც ჰარის ცოლმა, მეგან მარკლმა სამეფო ოჯახის ჰერცოგინიების სახელით ბრისტოლში მომუშავე სექს-მუშაკებს საჩუქრები გაუგზავნა.
ჰერცოგინიამ ქალებს უალკოჰოლო გამაგრილებელი სასმელი, ბანანი, ჩიპსები, მაფინები და სხვადასხვა ტკბილეული გაუგზავნა.
"გაქვთ მარკერი? იდეა მაქვს",- უთხრა მეგანმა თანამშრომლებს და ბანანებზე სპონტანურად წერა დაიწყო.
"ძლიერი ხარ!", "მამაცი ხარ!" "განსაკუთრებული ხარ!" "გვიყვარხარ"- აი ასე გაამხნევა ჰერცოგინიამ ქალები.
ფოტოები ორგანიზაცია One25-ს თანამშრომლებმა გაავრცელეს. ორგანიზაცია ქალების უფლებებს იცავს და მათ არასასურველი სამსახურიდან თავის დახსნაში ეხმარება.