ეროვნულ-დემოკრატიული ინსტიტუტის (NDI) კვლევის მიხედვით, გარემოს დაცვასთან დაკავშირებული საკითხებიდან მოსახლეობას ყველაზე მწვავედ მიიჩნევს ჰაერის დაბინძურების (57%), საკვების უსაფრთხოებისა (44%) და ჯანმრთელობისთვის საშიში ნივთიერებების (40%) არსებობას ჰაერში, საკვებში, სათამაშოებში და ა.შ.
ამასთან, NDI დაინტერესდა გარემოს დაცვის სამინისტროს შეფასებით. მოსახლეობის 22% უწყების საქმიანობას ცუდად აფასებს, 7% კი ძალიან ცუდად. სამინისტროს საქმიანობას კარგად აფასებს 33%, ძალიან კარგად 1%, ხოლო არ იცის 36%-მა.
ეროვნულ-დემოკრატიულმა ინსტიტუტმა (NDI) კვლევა წარმომადგენლობითი შერჩევის წესით, მთელი საქართველოს მასშტაბით ჩაატარა, გარდა ოკუპირებული ტერიტორიებისა.
საველე სამუშაოები 6-20 დეკემბერს ჩატარდა. გამოიკითხა 2205 ადამიანი, ცდომილების საშუალო ზღვარი +/- 2%-ია.
