დევიდ ბექჰემი სერიალ Peaky Blinders-თან ერთად ტანსაცმლის ახალ ხაზს შექმნის.
Peaky Blinders ნამდვილ ამბავზე დაფუძნებული სერიალია, რომელშიც ერთ-ერთ მთავარ, ტომი შელბის როლს კილიან მერფი ასრულებს.
დევიდ ბექჰემის ბრენდი Kent&Curwen სერიალთან ითანამშრომლებს და მისგან შთაგონებულ ტანსაცმელს შექმნის - კოსტუმებს, პალტოებს, სვიტერებს და რა თქმა უნდა ბრტყელ ქუდებს.
ბექჰემმა ამის შესახებ The Guardian-თან ისაუბრა.
"მე სერიალის დიდი ფანი ვარ, ჩვენი ბრენდი კი ყოველთვის მნიშვნელოვნად ზრუნავდა ჩაცმულობაზე. ბავშვობიდან მეხურა ბრტყელი ქუდები, ახლა მას ბრუკლინიც [შვილი] ხმარობს", - თქვა ბექჰემმა.
Kent&Curwen 1926 წელს შეიქმნა, 2015 წელს კი ის დევიდ ბექჰემმა შეიძინა.
ჯერჯერობით უცნობია როდის გამოვა Peaky Blinders-თან კოლაბორაციით შექმნილი ტანსაცმლის ახალი ხაზი.
