უკვე რამდენიმე წელია, დანიელი არტისტი ტომას დამბო გადამუშავებული მასალისგან გიგანტურ სკულპტურებს ქმნის. ეს სკულპტურები კოპენჰაგენის შემოგარენშია განთავსებული და მათი მიზანია, წაახალისოს ადამიანები, რომ ამ ადგილებსაც ესტუმრონ.
გიგანტური სკულპტურები დამბობ ადგილობრივი მოხალისეების დახმარებით დაამზადა. ამისთვის ასობით ფიცარი და დაშლილი ძველი ღობეები გახდა საჭირო. თითოეულ გოლიათს რომელიმე მოხალისის სახელი ჰქვია. მათი ადგილმდებარეობა დამბოს მიერ შექმნილ რუკაზეა დატანილი.