თელავში მსუბუქი ავტომანქანა ქალს და მის ორ შვილს დაეჯახა. დაშავებულები თელავის რეფერალურ საავადმყოფოში გადაიყვანეს.
ექიმის ინფორმაციით, მოზარდებს მოტეხილობები აქვთ, ერთ-ერთი მათგანი კი, მართვით სუნთქვაზეა. რაც შეეხება ქალს, მისი მდგომარეობაც მძიმეა და რეანიმაციულ განყოფილებაში, მართვით სუნთქვაზე იმყოფება.
მომხდარზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
