ამ დროისათვის, ცენტრალური საარჩევნო კომისიის მონაცემებით, დათვლილია ხმათა 99,7%.
აქედან 59,56% ხელისუფლების მიერ მხარდაჭერილმა კანდიდატმა, სალომე ზურაბიშვილმა მიიღო, ხოლო 40,44% ერთიანი ნაციონალური მოძრაობის კანდიდატმა გრიგოლ ვაშაძემ.
წინასწარი მონაცემებით, თბილისის ათივე რაიონში სალომე ზურაბიშვილმა გაიმარჯვა.
მთაწმინდაზე მან ხმათა 64% მიიღო, ვაკეში 66%, საბურთალოზე 66%, კრწანისში 60%, ისანში 57%, სამგორში 56%, ჩუღურეთში 63%, დიდუბეში 65%, ნაძალადევში 62%, ხოლო გლდანში 57%.
გრიგოლ ვაშაძე ამ დროისათვის მხოლოდ სამ ოლქში იგებს. მან თელავში ხმათა 51%, რუსთავში 52%, ხოლო საზღვარგარეთ გახსნილ უბნებზე ჯამში 64% მიიღო.
