ცენტრალური საარჩევნო კომისიის ინფორმაციით, 17:00 საათისთვის ამომრჩეველთა აქტივობა 47.31%-ია.
ეს ნიშნავს, რომ ამ დროისთვის ხმა 1 662 453 ამომრჩეველმა მისცა.
ეს პირველი ტურის მთლიან აქტივობაზე მეტია - პირველ ტურში არჩევნებში მონაწილეობა ამომრჩეველთა 46.74%-მა მიიღო.
ყველაზე მაღალი აქტივობა ქედაშია - 58%
ყველაზე დაბალი წალკაში - 37%
საპრეზიდენტო არჩევნების 1-ლ ტურში იმავე დროს აქტივობა 38.16% იყო - 1 337 284 ამომრჩეველი.
დღეს საქართველო მე-5 პრეზიდენტს ირჩევს. ეს ბოლო შემთხვევაა, როცა პრეზიდენტი პირდაპირი წესით, ხალხის მიერ აირჩევა. ახალი კონსტიტუციით, რომელიც მას შემდეგ ამოქმედდება, რაც მე-5 პრეზიდენტი ფიცს დადებს, პრეზიდენტს არა ხალხი, არამედ 300 ადამისგან შემდგარი საარჩევნო კოლეგია აირჩევს.