სოციალურ ქსელში გავრცელდა ვიდეო, სადაც თურქეთის პრეზიდენტს, რეჯეფ თაიფ ერდოღანს მოლდოვის პრეზიდენტ იგორ დოდონთან საერთო პრესკონფერენციის დროს ჩაეძინა.
ერდოღანი კიშინიოვს ოფიციალური ვიზიტით 17 ოქტომბერს ეწვია. მოლაპარაკებების შედეგად, მხარეებმა ქვეყნებს შორის თანამშრომლობის ხელშეკრულებას მოაწერეს ხელი.
ეს პირველი შემთხვევა არ არის, 2017 წელს ერდოღანმა უკრაინის პრეზიდენტ პოროშენკოსთან ერთად კიევში, პრეზიდენტის ოფისში პრესკონფერენცია გამართა.
სანამ პრეზიდენტი პოროშენკო უკრაინის წარმატებებზე საუბრობდა, ერდოღანი მთქნარებას ვერ იკავებდა და რამდენჯერმე ჩათვლიმა.
