ქართველმა ჩოგბურთელმა, ნიკოლოზ ბასილაშვილმა პეკინში ჩინეთის პირველობის ტურნირის მეოთხედფინალში ტუნისელი ჩოგბურთელი, 34 წლის მალეკ ჯაზირი ორ სეტში ანგარიშით 6:2, 6:2 საათსა და 8 წუთში დაამარცხა და ნახევარფინალში გავიდა.
ხვალ ბასილაშვილი ბრიტანელ ჩოგბურთელს, მსოფლიოს მე-14 ჩოგანს, კაილ ედმუნდს დაუპირისპირდება.
მიმდინარე ტურნირზე ქართველმა ჩოგბურთელმა 27-ე ჩოგანი, ესპანელი ფერნანდო ვერდასკო და მე-17 ჩოგანი, ამერიკელი ჯეკ სოკიც დაამარცხა.
ბასილაშვილი მსოფლიო რეიტინგში ამ მომენტში 30-ე ადგილს იკავებს.