საქართველოს საპატრიარქო

ილია II კანაფის წარმოებაზე: ხელისუფლებასაც შესტკივა გული სამშობლოზე

მღელვარება შემოვიდა ჩვენს ხალხში, რომ ნარკოტიკები, მარიხუანა, კანაფი და სხვა ნარკოტიკები შემოვა, იქნება მიღებული. არ უნდა შეგვეშინდეს, არ უნდა ვიფიქროთ იმის შესახებ, რომ ღმერთმა მიგვატოვა ჩვენ. ჩვენ არ უნდა ვიფიქროთ ისეც, რომ ჩვენ შეგვტკივა გული ჩვენი სამშობლოსათვის, ჩვენი ხალხისათვის, ჩვენი ახალგაზრდობისათვის და სხვას კი არ შესტკივა. მე მინდა ვთქვა, რომ არანაკლებად შესტკივა გული სამშობლოსათვის ჩვენს ხელისუფლებას, ხელისუფლება პასუხისმგებელია და ამიტომ მათზე დაკისრებულია ეს პასუხისმგებლობა. 

ეს განცხადება საქართველოს კათოლიკოს-პატრიარქმა დღეს, საკვირაო ქადაგებაზე გააკეთა. აღსანიშნავია, რომ დღეს სასულიერო პირების ნაწილი საპროტესტო მსვლელობის გამართვას აპირებს, სადაც მთავრობას კანაფის კულტივირების შესახებ კანონპროექტზე უარის თქმისკენ და კონსტიტუციის შეცვლისკენ მოუწოდებენ.

კომენტარები