ხაშურში, სოფელ ცედანში, ტყის ხანძრის ლოკალიზება ამ დრომდე ვერ ხერხდება. საგანგებო სიტუაციების მართვის სამსახურის ინფორმაციით, ამ დროის მონაცემებით, დამწვარია 10 ჰა-მდე ფართობი ფოთლოვანი ტყის საფარი.
"ადგილზე მობილიზებულია ყველა სამსახური. 220 მეხანძრე-მაშველი და 12 სახანძრო-სამაშველო სპეცტექნიკა" - აცხადებს საგანგებო სიტუაციების მართვის სამსახური და ხანძრის ეპიცენტრიდან პირველ ფოტომასალას ავრცელებს.
ხაშურის მუნიციპალიტეტში, სოფელ ცედანთან ხანძარი გუშინ საღამოს გაჩნდა. შინაგან საქმეთა სამინისტრომ გამოძიება სსკ-ის 188-ე მუხლის მე-2 ნაწილით დაიწყო, რაც ცეცხლთან ან მომეტებული საფრთხის წყაროსთან გაუფრთხილებელი მოპყრობით ნივთის დაზიანებას ან განადგურებას გულისხმობს.
