თელავის რაიონულმა სასამართლომ განზრახ მკვლელობასა და ძალადობაში ბრალდებულს 13 წლით თავისუფლების აღკვეთა მიუსაჯა.
პროკურატურის ინფორმაციით, დადგინდა, რომ 2017 წლის 23 ოქტომბერს, ო.კ.-ს და მ.მ.-ს ჯერ მობილურ ტელეფონზე საუბრის დროს, ხოლო შემდგომ საგარეჯოს რაიონის სოფელ ქეშალოში სიტყვიერი დაპირისპირება მოუხდათ.
"ამ დროს, ო.კ.-მ შურისძიების მოტივით მ.მ.-ს სახის არეში ჩაქუჩი დაარტყა. კონფლიქტით განაწყენებულმა ო.კ.-მ შურისძიების მოტივით მ.მ.-ს მკვლელობა განიზრახა და იმავე დღეს, ღამის საათებში, ცენტრალურ საავტომობილო გზაზე, განზრახ მოკვლის მიზნით დანით მ.მ.-ს რამდენჯერმე მიაყენა ჭრილობა და შემთხვევის ადგილიდან მიიმალა. მიღებული ჭრილობების შედეგად მ.მ. ადგილზე გარდაიცვალა" - აცხადებს პროკურატურა.
სამართალდამცველებმა ო.კ. 2017 წლის 25 ოქტომბერს დააკავეს. მას ბრალდება სისხლის სამართლის კოდექსის 108-ე მუხლით (განზრახ მკვლელობა) და 126-ე მუხლის პირველი ნაწილით (ძალადობა) წარედგინა.
