საბურთალოზე, ავტობუსში 17 წლის მოზარდი ცივი იარაღით დაჭრეს. დაშავებული საავადმყოფოშია გადაყვანილი.
გავრცელებული ინფორმაციით, შემთხვევა პოლიტკოვსკაიას ქუჩაზე, N140 ავტობუსში მოხდა.
შინაგან საქმეთა სამინისტროში ტაბულას უთხრეს, რომ ფაქტზე გამოძიება სისხლის სამართლის კოდექსის 19 - 108-ე მუხლით დაიწყო, რაც განზრახ მკვლელობის მცდელობას გულისხმობს და 7-დან 15 წლამდე პატიმრობას ითვალისწინებს.
უწყების ინფორმაციით, მიმდინარეობს ინტენსიური საგამოძიებო სამუშაოები.