Reuters
AFP
GETTYმიუხედავად აკრძალვისა, სტამბოლში კვირას გეი პრაიდი გაიმართა. ქალაქის ქუჩებში ასობით ლგბტ აქტივისტი გამოვიდა. პრაიდის დაწყებიდან მალევე მშვიდობიანი ღონისძიების გაგრძელებას პოლიციამ ხელი შეუშალა, იყო დაპირისპირებაც - თურქმა სამართალდამცველებმა აქციის მონაწილეების მიმართ რეზინის ტყვიები გამოიყენეს. დააკავებულია რამდენიმე პირი.
ორგანიზატორების თქმით, ისინი არ აპირებენ შეეგუონ მთავრობის მიერ დისკრიმინაციასა და უკანონო ქმედებებს. პარასკევს მათ Facebook-ის გვერდზე დაწერეს, რომ აქცია კვირას აუცილებლად გაიმართებოდა. მსვლელობის მთავარი მიზანი საზოგადოებაში ცნობიერების ამაღლება, ძალადობასა და დისკრიმინაციასთან ბრძოლა იყო.
პრაიდის მონაწილეების ინფორმაციით, თურქეთის მთავრობამ, მსგავსად გასული წლებისა, უსაფრთხოების გარანტია წელსაც ვერ მისცათ. სტამბოლის გეი პრაიდს ბოლო სამი წლის მანძილზე მშვიდობიანად არ ჩაუვლია, მიუხედავად იმისა, რომ თურქეთში ლგბტ პრაიდი სხვა მუსლიმური ქვეყნებისგან განსხვავებით, კრიმინალიზებული არ არის.
