თბილისის საქალაქო სასამართლომ არასრულწლოვნების მიმართ განხორციელებულ ძალადობაში (ორი ეპიზოდი) ბრალდებული ე.ჯ. დამნაშავედ ცნო. მას სასჯელის სახედ და ზომად 1 წლით და 6 თვით პირობითი მსჯავრი განესაზღვრა.
პროკურატურის ინფორმაციით, დადგინდა, რომ 2017 წლის ოქტომბერში, თბილისში, ერთ-ერთ საბავშვო ბაგა-ბაღში, აღმზრდელის თანაშემწემ ე.ჯ.-მ ბაგა-ბაღის აღსაზრდელზე იძალადა, რა დროსაც ის იატაკზე დააგდო.
"ასევე, ბრალდებულმა 2018 წლის იანვარში, ბაგა-ბაღის მეორე აღსაზრდელზეც იძალადა, რის შედეგადაც ბავშვი იატაკზე დაეცა. ე.ჯ-ს ქმედებით ბაგა-ბაღის ორივე აღსაზრდელმა ფიზიკური ტკივილი განიცადა" - აცხადებს პროკურატურა.
ბაგა-ბაღის აღსაზრდელის თანაშემწეს ბრალდება სისხლის სამართლის კოდექსის 126-ე მუხლის 11 ნაწილის „ა“ ქვეპუნქტით (სხვაგვარი ძალადობა, რამაც დაზარალებულის ფიზიკური ტკივილი გამოიწვია, ჩადენილი წინასწარი შეცნობით არასრულწლოვანის მიმართ; ორი ეპიზოდი) წარედგინა.
