უკანასკნელი 9 ათწლეულის მანძილზე დიდი ბრიტანეთის დედოფალს, ელიზაბეტ მეორეს უელსური კორგი პემბროკის ჯიშის ძაღლები ჰყავს. ელიზაბეტის თქმით "კორგები მისი ოჯახი არიან".
სამეფო ოჯახის პირველი კორგი სახელად დუკი დედოფლის მამას, მეფე ჯორჯ მეექვსეს ეკუთვნოდა. ის სასახლეში 1933 წელს მიიყვანეს. მელევე დუკის მეორე კორგი, ჯეინი მიუყვანეს. მათი შთამომავლობა სამეფო ოჯახის წევრების ერთგული მეგობარი გახდა.
18 წლის ასაკში პრინცესა ელიზაბეტს საკუთარი კორგი აჩუქეს, რომელსაც სუზანი დაარქვა. სწორედ სუზანის შთამომავლები იყვნენ ელიზაბეტის საყვარელი ძაღლები. დედოფალს არასდროს გაუყვანია საკუთარი ძაღლები შეჯიბრებზე და კონკურსებზე და არცერთი მათგანი არ გაუყიდია, თუმცა ბევრი გააჩუქა. დედოფალი ძაღლებთან ერთად მოგზაურობდა და მიუხედავად იმისა, რომ ძაღლებს საკმარისზე მეტი მომვლელი ჰყავთ, თავად ასეირნებდა და კვებავდა მათ.
დედოფალმა 89 წლის ასაკში ძაღლების გამრავლებაზე და ახალი ძაღლების აყვანაზე უარი თქვა, რადგან არ სურდა, რომ მისი გარდაცვალების შემდეგ ძაღლები მის გარეშე დარჩენილიყვნენ. დღეს გავრცელდა ცნობა, რომ სუზანის უკანასკნელი შთამომავალი და შესაბამისად დედოფლის ბოლო საყვარელი კორგი სახელად ვილოუ მოკვდა. დედოფალს კიდევ ჰყავს ორი დორგი (ტაქსას და კორგის ნაჯვარი), ვულკანი და ქენდი და ერთი კორგი უისფერი, თუმცა ის სუზანის შთამომავალი არ არის და დედოფალმა რამდენიმე წლის წინ, მისი პატრონის გარდაცვალების შემდეგ აიყვანა. გთავაზობთ დედოფლის ერთგული მეგობრების გალერეას.