"თუკი გუნდში მსჯელობა იქნება იმის შესახებ, რომ ოჯახში ძალადობრივ დანაშაულს კანონმდებლობით აღარ შეეხოს ისეთი შეღავათი, როგორიც პრეზიდენტმა გამოიყენა, მე აუცილებად მხარს დავუჭერ. ვფიქრობ, ამაზე უმრავლესობაში დისკუსია გაიმართება", - ინტერპრესნიუსის ინფორმაციით, ამბობს საპარლამენტო უმრავლესობის ლიდერი არჩილ თალაკვაძე.
13 აპრილს, ბარნოვის ქუჩაზე 25 წლის თამარ გამრეკელაშვილი დედამისის ყოფილმა ქმარმა - 46 წლის ვ.ბ.-მ ცივი იარაღით მოკლა. მკლოელობამდე რამდენიმე საათით ადრე პოლიციას ვ.ბ.-ს სახელზე შემაკავებელი ორდერი ჰქონდა გამოწერილი.
მნიშვნელოვანია გარემოება, რომ ვ.ბ. ოჯახურის ძალადობისთვის წარსულშიც იხდიდა სასჯელს. ის პრეზიდენტმა შეიწყალა და საპატიმრო ვადა გაუნახევრდა. ვ.ბ-მ საპატიმრო 2017 წელს დატოვა.
პოლიციამ ვ.ბ. გუშინ თელეთში დააკავა. მას 7-დან 15 წლამდე პატიმრობა ემუქრება. პოლიციამ ასევე დააკავა ვ.ბ-ს ახლობელი, რომელსაც ბრალად დანაშაულის შეუტყობინებლობა ედება. მას 2-დან 4 წლამდე პატიმრობა ემუქრება.
მკვლელობამდე რამდენიმე საათით ადრე, მოკლული თამარ გამრეკელაშვილი და დედამისი პოლიციის განყოფილებაში იმყოფებოდნენ და დედის მიმართ ვ.ბ.-სგან არსებულ ზეწოლაზე შემაკავებელი ორდერის გამოწერა ითხოვეს, რასაც პოლიციის მხრიდან მოჰყვა შესაბამისი რეაგირება.