ფარავნის უღელტეხილზე ყველა სახის ავტოტრანსპორტის მოძრაობა აკრძალულია. საქართველოს საავტომობილო გზების დეპარტამენტის ინფორმაციით, მიზეზი თოვა, ძლიერი ქარბუქი და შეზღუდული ხილვადობაა.
"შიდასახელმწიფოებრივი მნიშვნელობის კოდა–ფარცხისი–მანგლისი–წალკა–ნინოწმინდის საავტომობილო გზის კმ94-კმ110 ფარავნის უღელტეხილზე ყველა სახის ავტოტრანსპორტის მოძრაობა იკრძალება" - აღნიშნავს გზების დეპარტამენტი.
გზის დანარჩენ მონაკვეთებზე ავტოტრანსპორტის მოძრაობა თავისუფალია.